勿甘为奴 自救自治! ——上海自救自治委员会宣言

作者:自救自治委员 文章来源:网络

各位亲爱个上海居民:

 

我伲是㑚身边个邻居,街坊,甚至就是㑚个某位亲眷,是忒侬同呼吸、共命运个一群人。就勒侬身边,涌现出来了诸如勿畏权贵、坚持理性个医学专家张文宏医生、发起《速停运动式防疫  纾困解难发救济!》忒《告全体公职人员书》为民请命个季孝龙先生、撰写《关于进一步提高全国防疫工作科学性个建议》上书全国人大个刘小兵教授、提出《对上海新冠防疫两措施个法律意见》致函政府个童之伟教授、发布《致大上海官民书》个卢明明教授等等。迭眼人士个公义之举讲出了个心里闲话,唤醒了上海人个公民意识,越来越多个上海人开始反省、觉醒、行动,挺身而出,勿甘为奴,奋起抗暴!

 

当权者畏惧伊拉,封锁伊拉个社交工具,威胁伊拉个人身安全,剥夺伊拉个各项自由。必过,上海人呒没畀当权者吓牢,只要看一看就清爽,迭眼越来越多个自愿敲镬个上海人,实际浪是勒用迭种温和、甚至卑微个方式,表达伊拉内心深处的个苦楚忒仔勿满,一只声音勒伊拉压抑已久个内心深处发出来:起来! 勿甘为奴个上海人!

 

但是,就是迭能一群可爱个上海人,却畀了官方恶意个构陷为“”!

 

葛么,请问声,到底啥人再是真正个境外?啥人勒肆意打击压榨人民群众?是伊帮尸位素餐个官老爷拉,伊拉是党个干部、绝大多数个人大代表忒政协委员拉。伊拉拒绝公示财产,拿了海外护照、绿卡,非法转移人民个血汗钿,海外花天酒地,国内鱼肉乡里,全然勿管人民死活。我伲就是要推翻迭帮“境外敌对势力”对我伲个压迫!伊拉享受西方资本主义文明成果,却逼迫我伲跑中国特色社会主义道路,行专制,施暴政,伊拉视人民如韭菜,如宗牲。我伲要起来,要反抗,要清算伊拉历史罪行!

 

众所周知,上海自开埠以来,虽屡经离乱,但是,即便是勒日军占领时期也从来呒没畀了日军封过城。而迭趟持续两只号头快个封城,断绝供给,垄断救助物资,穷搞动态清零,迭个是某股反动独裁势力自导自演个一出驯服民众个大戏,迭个是伊拉施展淫威个强硬手段,迭个是对基本人权个肆意践踏,迭个是勒摧毁迭只伟大城市个文明成果,迭个是对迭只城市良善族群个种族灭绝,迭个是不折不扣个反人类罪行!迭个是彻头彻尾个针对我伲人民个战争!

 

我伲畀伊拉剥夺生计,银行畀了基层政府精心组织个高价食品消耗殆尽,还要忍饥受饿!我伲畀蒙面警察要么来路勿明个人赶进所谓个方舱医院,新时代个集中营!我伲畀伊拉逼得来骨肉分离,有屋里回勿去!我伲畀伊拉逼了上交钥匙,伊帮来路勿明个人还以所谓个上门“消杀”为名,行穷搞破坏、抢劫私有财产之实,迭个就是赤裸裸个强盗行径,但是却畀了当局堂而皇之个冠以”为人民服务”个美名。请问各位,啥人愿意接受迭种服务?

 

开口闭口讲是,㑚只要看一看,想一想,㑚还会得相信迭个真个是疫情伐?㑚还相信所谓个“疫情”之后,我伲好重回岁月静好伐?

 

侬勿看到,眼门前伊帮勿断穷弄松㑚个人就是50年前头兴风作浪个文革余孽!

 

假使侬勿希望侬忒家人,尤其是子孙拉重新经历十年文革当中个场景:

• 每日天诵读红宝书(领袖语录),领袖像前头早请示、夜汇报;

• 参与批斗要么畀人家批斗,永无宁日;

• 骨肉相残,夫妻反目,父子陌路;

• 畀伊拉剥夺私有财产忒个人尊严,沦为集体主义者个奴隶;

……

 

假使侬勿想生活勒另外一只“北朝鲜”,假使侬想出国又遭遇“非必要勿离境”,假使侬接打国际电话遭受限制(美其名曰“防止电信诈骗”),请侬加入我伲,组织起来进行自救、抗争,拿我伲畀伊拉骗取个权利重新夺回来,重建社会秩序,拿上海迭座城市个命运牢牢个捏勒自家手里!

 

上海居民们!侬可能祖辈身居上海,或者为上海个繁荣昌盛奋斗了多年,勒上海有一只栖身之所、一只温馨个家庭;侬本生是迭只城市忒迭只国家个公民,享有上天赋予侬个、勿可剥夺个权利,迭眼权利包括生命权、自由权、迁徙权、追求幸福个权利忒免于恐惧个权利等等;侬也应拥有参与政治、参与决定所在城市或国家共同体命运个权利;这眼权利侪畀伊牌伪善个暴政者以美好个、空洞个所谓主义或者理想为幌子剥夺脱了!侬沦为居民,实质是奴隶!沦为待宰个羔羊,予取予夺!

 

请侬加入我伲,自发组织起来,夺回本生应属于我伲个公民身份,让我伲一道决定迭只城市乃至我伲国家个未来,决定我伲自家乃至我伲子孙个未来!

 

1. 突破网络封锁,识破独裁谎言,真理照亮思想;

1.1. 侬应懂得:独裁者用互联网封锁拿侬拦勒真理门外,就可以用谎言忒侬洗脑,灌输仇恨思想,让侬满足动物庄园能个生活方式;

1.2. 寻着身边具备基本计算机知识个亲友,教侬哪能突破互联网封锁,翻墙看世界,寻回来历史个真相;

1.3. 用谷歌、微软hotmail等忒我伲(电邮:  [email protected])写信,提供个人履历、所住地区(含街道、小区等信息);

1.4. 我伲将提供把侬进一步突破网络封锁个工具忒内部交流平台。

 

2. 成立邻里自救小组,时时刻刻守望相助

2.1. 通过侬所在小区个业主群、团购群寻着敢发声音个、富有同情心忒正义感个邻居,加为好友;

2.2. 要寻着至少8名好友,构建侬个微信或电报群,用来自救、互助;

2.3. 彼此熟悉各自个家庭成员,以确保一家人家有难(畀伊拉强行隔离,因发牢骚或抗议畀传唤或拘传等,畀伊拉破门“消杀”,畀伊拉封闭在家,畀伊拉高价团购……),八方支援,关键时刻构筑人墙、人链,拍照取证,记录伊帮无良人员个罪行,以便日后追究其法律责任,必要时挺身而出抵抗非法行政、执法忒勿明身份个人对私权(人身或私产)个侵扰;

2.4. 建立紧急联系人信息,签署空白律师委托书(百度模版),签字、盖手印。

 

3. 搭建“蜂巢”,纵向集结

3.1. “一个好汉八个帮”,面对强大专政机器碾压增强抗打击能力,学习“蜂巢结构”何以坚固个原理,各个自救或守望群个成员,应勒本小区内另行纵深发展至少8个敢发声音个、富有同情心忒正义感个邻居(原成员相互协助)建设下一级群;推动所在小区呈链状纵深拓展,上下级群组通过召集人单线联系,以规避可能畀人家举报、打压个风险;

3.2. 当本小区自救群纵深拓展至三级以上,就好孤立伊眼长期以来协助政府维稳、以谣传谣个不讲人性个党员,争取有良知个党员,抵抗损害本小区居民个举措,形成本小区个初步自治组织;

3.3. 若本小区有多只纵深发展个“蜂巢”,横向集结,共商共议,构建本小区个蜂窝(多只蜂巢,去中心化)结构,重选业主委员会,或按《城市居委会组织法》选举产生本小区自家个居委会,使居委会回归自治性质、去行政化。

 

千里之行,始于足下。上海欲得自救自治,有志者须先从构建自家所在小区(解封后以所在工作场馆或所在行业为范围)个自救或守望群开始,直至形成所在小区、工作场馆、所处行业个蜂窝结构。

 

 

 

 

 

上海自救自治委员会

全平台高速翻墙:高清视频秒开,超低延迟
免费PC翻墙、安卓VPN翻墙APP
华人必看:中华文化的飓风 幸福感无法描述